منتدى شبكة جهينه نت - لولاي عمرك للسما ماارتفعتي...!!

جيتك على درب المشاريه والوم
اطوي مسافآت الوله يوم بعتي

في عيني اهمومن وفي قلبي اهموم
ومدري على الله بينهن وين ظعتي..؟!

يلي غديتي للظمى بالي اهدوم
ويلي مشيتي للفراق اوجزعتي

كنتي في كوم وباقي الخلق في كوم
يالعنبو دارك علامك قطعتي...؟!

كان الزمن يابنت حقق لك احلوم
انا الزمان وحلمك الي بدعتي

وكان الاماني سخر الله لها قوم
عديني مية شخص دامك جمعتي....!

وكان ارتفعتي للسحايب والغيوم
لولاي عمرك للسما ماارتفعتي...!!

ويكفيني انك لو كبرتي على يوم
من تحت يديني كبيره طلعتي

وماني عقب قطع الرجا فيك ملزوم
المغني الله زين يوم انقلعتي

رجال انا تحكمني اطباع وسلوم
من لابتن يابنت عنها سمعتي

رجال من ناسن كريمين وقروم
كان ابغرورك يالغشيمه طمعتي

اموت احسلي ولا اعيش محروم
مهما على ذيك الحنايا سطعتي

زيزوم أنا يابنت زيزوم زيزوم
وانا اشهد انك في طريقي خثعتي

وإن جت في بالي وحطيت لك زوم
اخظعك لو في يوم ماقد خظعتي

دامك حلفتي ماتردين في يوم
حلفت انا مااكلمك لو رجعتي

ودامك حلفتي تاخذيني من انجوم
حلفت أنا لطفيك مهما لمعتي

ودامك حلفتي تحرميني من النوم
حلفت لو إنك في دقيقه هجعتي

لعمي عيوني باسهر واندفن دوم
وأغتال قلبن في عذابه برعتي

وإن ما كفاك الي خذيتيه لليوم
او ماعجبك البارحه ماسمعتي

بطعيك رايي وكلمتي ما بها سوم
وإنتي على كيفك إذا مااقتنعتي

صومي ثلاث ايام عني وانا اصوم
كل الدهر عن حلفك الي قطعتي

عطاالله فرحان

برق الشمال