منتدى شبكة جهينه نت - ][ آآهـ يا كل الأمـاكـن ][

منتدى شبكة جهينه نت (http://www.johina.net/vb/index.php)

- منتدى الاشعار المنقولة (http://www.johina.net/vb/f77.html)

- - ][ آآهـ يا كل الأمـاكـن ][ (http://www.johina.net/vb/t34888.html)

][ آآهـ يا كل الأمـاكـن ][

الغياب. له اثر في نفس من يحب .

الأماكن عندما تشتاق تؤثر في كل شئ حولها..

انا وهذه الحروف اثر بنا اشتياق الأماكن

ياصباح الخير ياعطر ٍ ملا صبحي عبيره
يسعد الله هالصباح اللي ملا الدنيا شروق

(الأماكن كلها تشتاق) وعيوني سهيره
(كل شي حولي يذكرني بشي) من الفروق

(شوف حالي في غيابك) كل ماجابتك سيره
(كنت اظن وخاب ظني) وانصدمت وكيف افوق

والله اني رغم بعدك كانت امالي كبيره
صح انا ماكنت اشوفك بس احسك بالعروق

يوووه يانّي كنت اموت بغيرتك واموت غيره
و(غيرتك من غيرك تخرب عليك) اللي تذوق

انكسر ضي الشموس وجت ضياك بتستعيره
واستحى تقصير وصفك واستحت مني الطروق

شفت شمسي في جبينك جيت محتاج لهجيره
(اسمحي لي يالغرام العذب) انا فعلاً صدوق

لا تسلين الجفا لا صارت سيوفه شطيره
كيف اشوف الما بعيني واتلهف للبروق..!!

(بعتذر عن كل شي إلا الهوى) ماله بريره
(لا اختلفنا من يحب الثاني اكثر) ياخلوووق

ماانثنت رجلي عن دروبك ولو كانت خطيره
الخطر عن غايتي صدقني انه مايعوق

ب اطوي دروبك ولو رجلي عن الممشا كسيره
الدروب الكايده صدقني لمثلي تروق

تدري ان الوقت يمضي وادري ضروفك عسيره
بس ماادري كيف اخفّي لا بدى بالعين شوق

(كيف نخفي حبنا والشوق فاضح) يستثيره
وفي ملامحنا ملامح ساقت الرجلين سوق

ولا انا مثلي لك الله مايعيش إلا بضميره
ماعرفت اكذب وعيت نفسي بغيري تبوق

أبقطع ايدي لو تبين إن كانت ايديني فقيره
استحيت اقول ماعندي.. وجبت ايد وخفوق!!

(أشتكي لوسادتي دنيا) بها ضروفي مريره
يوم صار الليل وهمومي تطوقني بطوق

والشعر لا حدني كثر الضما جيت لغديره
وانهل اللي يطرب احساسي ولأمثالي يلوق

ولا غفيت إلا وعيني من رضى نفسي قريره
وانت لازم تعترف باللي بقالي من حقوق

والله اني تبت عن قلبي ولا عاد استشيره
بستشير العقل لاحسيتني لصوتك اتوق

الزمن حنا عيوبه لا تحمله الجريره
حتى لووقتي سرقني ماقطعت ايد السروق

م _ ن
برق الشمال
.