لاضاع صوتك ياقليل المنافيع = خلك على ماكن والعلم ياتيك
تمشي وتصنع للمصالح مشاريع= مافيك بلغه والبشر ماتناديك
لكن صعبه وانت حادر مع الريع = صعبه تحدى كل منهو يعاديك
كان الوفا في داخلك فيه تنزيع = انا اشهد ان الوقت هذا يربيك
حاولت انا سبعك ياشين تسبيع = وانته معيي قلت انا الله يهديك
الله يعين الي مدلعك تدليع = شوف الزمان الشين لاوين يرميك
انا بقفي عنك واعطيك توقيع= توقيع ينهي صحبت الي مجاريك
هذا كلامي جاك من دون ترقيع = واضح وضوح الشمس والقاف بيديك

من جوّد المحزم فلا اظنه يضيع = جتكم مجاراتي معاكم تماتيك
والحر حر ولامع الحر تنويع = لو كثرت الانواع يبقى معك شيك
لاتلتفت للي يشب الفراطيع = ولاتشره الا عند رجال يغليك
في حزة الشروه وفي حزة البيع = فالوقت ذاك تشوف من كان يدعيك
كلن معه شرعه وللناس تشريع = وبعض الرجال يحوص مايعرف يحيك