|
موترن قفى به المحبوب هذا يالربع عندي موتر المكشات شاص جيب تويوتا اصيب ليلة البارحه بانعدام الرؤيه لا وانا راجع من مكشات قريب بالليل ويبدو ان الاصابه في الشبكية بتاعت عينه ، المهم عيونه راحت فيها ماعاد يشتغل النور واصبح ضريرا بجانب البيت ، ولاادري ماهو السبب يمكن زي ماقلت مشكله في الشبكيه يمكن في بؤبؤ الشمعه يمكن في القرنيه بتاعت الشمعه الوكاد انه ماهو احد اعراض الشيخوخه لانه نشيط ولو انه ظهرت عليه بعض التجاعيد بس مايهم ناوي اوديه لبنان واسوي له شد بشره سؤالي ماهو سبب انعدام الرؤية المفاجيء هذا؟ ارجو افادتي المحتار برنجلز |
عندنا بتبوك ياشنباوي ورش تسوي عمليات شد على كيف كيفك ... بس حظر النية ... |
اذا على الشبكيه ماعدمها غير المشي في البران والغبار ومانقول غير الله يعنك توديه لمستشفى السيارات قسم العيون |
يااخوي العروي هذا ماحصل بالضبط وديته عند الدكتور اسلم الكرتشاوي وكانت عنده العياده تغص بالمراجعين ، فاختليت به جانبا وطلبت منه ان يكشف على الموتر فاظهر تمسكا بالنظام ( غريبه ) وقال لي بحده ( كل هدا نفرات فيه انتزار ، انت مايبقى انتزار تعال بكره ) ثم استدرك وقال ( ليكن بكره انا مافي شقل ، تعال اليوم السبت) فاخذت موتري العميان وذهبت به الى الاستشاري في عيادات انقره في الشارع المجاور عند الدكتور آصف شوكت بك التركي وقد كان عنده مجموعه من الاخصائيين وموظفي الخدمات المسانده لعمل الكشف الاولي على المرضى , وكان من نصيب موتر العميان ان وقع عليه الكشف الاولي الاخصائي مجيب الرحمن البنغالي وقال لي في بمنتهى الثقه ( هدا مشكل ايون من الشبكيه ( الظفيره) لازم سوى امليه سرئه سرئه لكن هدا ادمشن ( دخول) اليوم السبت يبقى يبقى مايبقى روه نفرات تاني) فقلت له طيب اشوف الدكتور آصف فقال ( مافيه ممكن لازم انا اول سوى دكول بعدين هوه سوي امليه) فعدت بموتري العميان للبيت بانتظار يوم السبت ان شاء الله |
شنباوي الظاهر انك مريت بالجيب من جنب سيارة هه لونها حلو والا كذا شكل الشاص رايح وطي أرجع بنفس الطريق وإذا شفت تغير وقف والتفت وتلقى السبب بس انتبه لاتجيك طلقة وألاّ رمية استبنه وان شفت ما عفت حط رجلك والمثل يقول الف لحية ولا لحيتي وتروح وتجي بالسلامة |
سواح وسهران الليالي سواح ايه اللي جرالك انت الظاهر سهران وكابس عليك النوم ، ايش الهرجه يابويا انا اتكلم شرق وانت غرب ماتصحصح ياابني ، سيارة ايه اللي شافها الشاص؟ بأقولك الموتر عيان وعنده موعد يوم السبت عند الدكتور آصف التركي |
والله سالفتك انت وشاص غدت مشكله العالم بلشانه بعيونها ونت اشغلتهم بعيون موترك الخرده ياولد نخش عويناته وشترله اعوينات وكاله وسير على اليله ونبي اندخله بلقراج ونتعلم بعويناته لعل وعساء الله يردلك فيه نضره ولا نركبله من العيون الزرق الي طايحين فيها الشباب هاليومين لانطحك بليل تقول طالعه الشمس بوجهك اسمها على ماضن زنون العوينتين بثلاث الاف ريال يستاهل ابوشنب ماهونت الجيب هههههههههههه انت من يوم جيت من جده ونت عايف الجويب وتبي عذر للفكه منه ماعندك عشره يالماخوذ ولاخلني الدورلك واسطه في المحرقه او التشليح يمكن يقبلونه ونفتك ولونه ينفعنا في شيل اغراض القروب (قروب غرزه)ههههههههه ولاتحتار بس اختار |
الان اصبح موتري الشاص خرده؟!!!! اجل ويش نقول على موترك ياخلاف؟ على العموم ماعلينا من كلامك اللي ماله طعمه ولامازيه، هذا الموتر اللي قال فيه الشاعر له ايطلا ظبي وساقا نعامة **** وارخاء سرحان وتقريب تتفـــــــل مكر مفر مقبل مدبرمـعـــــا **** كجلمود صخر حطه السيل من عل هو صحيح انه الايام ديه عليه قل صحه بس هذا من تغير المناخ ، لانه حساس واجد وعلشان كده اصابه مرض العشى الليلي ( عمى الدجاج ) بس بكره ان شاء الله يسترد عافيته واوريك المطامر فوق الطعوس على اصوله خلينا ننتظر لبكره ان شاء الله ونشوف ايش يقول الدكتور..!! |
والله ياشنباوي سالفتك سالفه بعدين انت جيت في وقت ضيق يعني تعرف العالم مشغوله في عيالها بالمستشفيات وحالتهم حاله وتغير الجو عفس الناس شوي واعتقد ان موترك فيه ربووو لان الغبار اثر عليه بس نصيحه مني لك دام ان السالفه في خلايا المخ الكهربائي لا تخلي عصب الديك (البنقالي) يتعرضه صدقني بكرى يطلع بتابوت واذا انت حريص خايف(ن) عليه كذا ياخي وده للتخصصي ليه تحرق نفسك وحالتك حاله وكل يوم عند مستشفى يوم عند( كومار) وبكرى (نورالدين) وبعده عند (اكبر شاه) يابوي هذولا ماحلو مشكلة الثلا كفرات اللي عندهم ماقدرو يولفون لها رابع تبيهم يعالجون عيون صقورالجزيره السالفه فيها مخ كهربائي مهو مخ دجاج |
| جميع الأوقات بتوقيت السعودية. الساعة الآن " 03:42 ص. |
Powered by: vBulletin Version 3.0.7
Copyright ©2000 - 2009, Jelsoft Enterprises Ltd.