ياوجودي يالسناني يوم مريت اضحويه = وجد من ضيع ذلوله بالطريق وما لقاها
فوقها شربه وزاده واختلف موعد خويه = والذيابه يوم تلا ليلها لجة عواهـــــــــــا
انطعنا يالسناني بالحشا طعنه قويه = خوف قلبي لو تجيه اللي بعدها ماقواهــــــــا
الصواب اللي بقلبي رمح من عين أبدويه = كنها متخصصة وطعونها يصعب دواها
صادفتني بالطريق وقالت اسمح لي شويه = قلت سمي وأختها اللي دونها تمشي وراها
قمت الحلل في ضميري وأتحسس وش نويه = يمكن إن القلب يلهم بالنوايا اللي نواها
والحقيقة طار قلبي ماسمعت إلا دويه = كل ما لديت فيها قربت لي في خطاها
قالت اسمع من كلامي كلمتينا في رويه = أنت شاعر والمشاعر من يبي يلحق هواها
ثم قفت والنوايا يمها ماهي سويه = يا عسا ها لو تعود يا عساها يا عساها
ليتني يا أبو بدر عارف دياره والهويه = كنها نجمه تعلّت واختفت واظلم سماها

مرحبا من قلب صافي ياهلا من حسن نيه=ياسليل الجود يلي عزوتك يطرب نباها
حي ابوسامي هلا! قبل الاجابه له تحيه=شاعر(ن) تلقى الجزاله بالبيوت اليا بناها
الادب عنوان له ! تشهد له الفاظ(ن) نقيه=في بيوت(ن) عن هزيل الفظ ابوسامي حماها
ياهجوسي و الاجابه بالحروف الابجديه=في بيوت جزال تطرب هجس من مرو قراها
يوم قالوا بالهواء واحد من أسباب المنيه=من تجارب للقلوب بوقت عانت من شقاها
وش نهاية قيس ياصالح بعشق العامريه=كم قلوب العشق ياذيبان في لحظه سباها
ومن جلس بالشمس عايش في أمل جلسه بفيه=والقلوب الضاميه لابد ماتروي ضماها
والسهريبقى نصيب وقسم للعين الشقيه=مايفارقها شقاها والامل شوفة مناها
متعب اقدامي ثلات سنين في روحه وجيه=والمشاعرتشتكي والنار مايرحم سناها
تذبل الاغصان من جورالهواء لوهي نديه=ماتلام اقلوب تالي وقتها بيح خفاها
(وأجمل الاحلام لاجاء من مشاعرنرجسيه)=في زمان اهل الوفا تحتارفي ناتج وفاها
وبالختام أعذب تحايا قلب مبداه الحميه=والسعاده مثل ماقالوا لقاها من لقاها

انطعنـا يالسنانـي بالحشـا طعنـه قويـه
خوف قلبي لو تجيه اللي بعدهـا ماقواهـا
الصواب اللي بقلبي رمح من عين أبدويـه
كنها متخصصة وطعونهـا يصعـب دواهـا
صادفتني بالطريق وقالت اسمح لي شويـه
قلت سمي وأختها اللي دونها تمشي وراهـا

متعب اقدامي ثلات سنين في روحـه وجيـه
والمشاعرتشتكي والنـار مايرحـم سناهـا
تذبل الاغصان من جورالهواء لوهـي نديـه
ماتلام اقلوب تالـي وقتهـا بيـح خفاهـا
(وأجمل الاحلام لاجاء من مشاعرنرجسيـه)
في زمان اهل الوفا تحتارفـي ناتـج وفاهـا
وبالختام أعذب تحايا قلـب مبـداه الحميـه

امتعتونا بيض الله وجيهكم

والسعاده مثل ماقالـوا لقاهـا مـن لقاهـا

صح السنتكم جميع شعار جزلين مافيكم حيله