اليكم هذه قصيده اتمنى ان تنال على اعجابكم

يا بروق الصيف في صدق المخايل=وين هل المزن من عالي سحابـه
ارحميني يامـزون مـن القوايـل=يوم حر الصيف ولع فـي ترابـه
يابـروقٍ ولعـي نـار الفتـايـل=مثل قلبي يوم ولـع مـن عذابـه
والسبايب صاحـب مالـه مثايـل=شاب قلبي من غبونه فـي شبابـه
يوم قفت رحلتـه فـوق الرحايـل=كن نجـم سهيـل كشرلـي بنابـه
الركايـب شفتهـا قامـت تمايـل=تتبعه عينـي وقفـا فـي سرابـه
شال حبه بس قلبي ويـش شايـل=اشهد انه ضاع فكري من صوابـه
يامزون الصيف جودي بالرسايـل=وصلي المكتوب واعطني جوابـه
انثري حبر المطـر خليـه سايـل=وكل وادي عطريـه وكـل لابـه
ويانسايم داعبـي فـوق الجدايـل=رددي لبيـات شعـري بالربابـه
علميه القلـب مايرضـى البدايـل=دامني درب الهـوي قفلـت بابـه
والله اني بالهوى شفـت الهوايـل=في بحور الشوق ولا في هضابـه

اهــــــــــــلا بالشاعر المبدع عبدالرحمن السناني

اهـــــــلا بالشــــــــــــعر واهلــــــــــــه

صـــــــــح لســــــــــــــــانك ولاهنــــــت

ابـــــــــداع جديد نجده بين سطور هذه الفاتـــنه

اتمنــــــــــى لك المزيـــــــــد من الابداع

وتقبل تحياتي

اخوك
ابو وسام