|
السِّر الخطير !! جاني واحد قال : بسأل كم سؤال وقبل يسأل قلت : أنا ماني خبير ! قال: جاوب بس , يا ولد الحلال وكل كلمه حِطَّهَا .. فبيتٍ صغير قال نبدي : شنهو تعريف المُحال..؟ قلت : خَل الكلمهـ فـ الشطر الأخيـر ..! القهر : إن شفت دمعـات الرجال والوطن : ( إنسان ) .. مِتغيِّر كثير والطفل : لعبه على شاطـي الرمال والأمل : إحساس في عين الضرير الوفا : [ قلبين ] .. يجمَعهُم حلال والرَجُل : اللـي علـى أهلـه يغير والرجا : لا قلت : للواطـي تعال والفشل : مدري .. ولكنـه مرير الشعر : في وقتنا .. بدر وطلال وكان أوَّل : حيـل يعجبنـي جرير ..! والغلا : إحساس إلى حَـد الخيال والعِشِق : لا شفت مَعشُوقِك تطير والجفا : إعكس مفاهيم / الوصال والوَصِل : يعنـي تأكَّـد فيك خير والعقل : تِسْفَـه أقاويـل الجهال والجهل : إن قلت عن نفسك كبير والخطر : لا صار ما عندك مجال والبلا : إن صرت معدوم الضمير والعجب : لا صرت تسأل منهو قال والتعب : إن كنت تِبْحَثْ عن مصير الغنى : بالنفس ما هو راس مال والفقر : من كان .. بأعماله فقير يكفي يكفي .. أسئله إنهي الجدال ويالله علمني عَن .. السِّر الخطير ما أبي تضرب لي في غيرك مثال قول : عنِّك وإعتبر سِرِّك في بير جات طعنـه مِن جنوبك والشمال يعني وضعِك بين مِن حُولك خطير صاحبـي وإن ضاقت بعينك ليال لك فرشت القلب مفروش الحرير في [ بلاد الحلم ].. ممنوع العقال والمصيبه الشعب ما أختار الأمير وما ألومك .. كان شدِّيت الرحال دام بيتك جرح / وفراشك حصير هذا تعريفي إلى كلمة : مُحَال شي ودِّك فيه ولا يمكن يصير ..! |
مشاركة: السِّر الخطير !! بــرق ... أنــت صـــ ع ـــب ما شاء الله ذائــ ق ـــه رآاآئــ ع ــه شاكر لك تحيتي |
مشاركة: السِّر الخطير !! أبدعت في الاختيار أخوي برق سلمت وسلم لنا حسك الراقي دمت بكل خير وسعادة |
مشاركة: السِّر الخطير !! ماشاء الله كلام حلو يسلمو خيو على النقل الموفق. |
مشاركة: السِّر الخطير !!
سعدت بتواجدك اخي الاسد كل الشكر برق الشمال |
مشاركة: السِّر الخطير !! برق الشماال لاتعليق....... يكفي أن المتصفح لكـ لأكون مع الابداع على موعد!!! برق الشمال كُنْ في حفظ المولى،،، شموخ جهينة. |
مشاركة: السِّر الخطير !! يسلموووووووووووووو صح لسان الشاعر ولاهنت علي النقل الاكثر من رائع دمت متميز العنــــــــــود |
مشاركة: السِّر الخطير !!
الف شكر اختي جرح على هذا المرور الذوق كل التحايا برق الشمال |
مشاركة: السِّر الخطير !!
قصيدة أكثر من رااااائعة تحمل من الحكمة الشيء الكثير ،، لا عدمنا روائعكـ ,, دمتَ بحفظ الله ورعايته ,, أسطورة |
مشاركة: السِّر الخطير !!
الله يسلمك والف شكر على طلتك الجميله برق الشمال |
| جميع الأوقات بتوقيت السعودية. الساعة الآن " 04:38 ص. |
Powered by: vBulletin Version 3.0.7
Copyright ©2000 - 2008, Jelsoft Enterprises Ltd.
