|
اللي بيدخل في مزاجي باأسويه! هذا الخطا اللي مــا توقعت يخطيه .......... شف كيف كشر طيب القلب نابه أثر الحسد لا عشعش بصدر راعيه .......... يجعل من قلوب الحبايب ذيابه اللي تعلم من سكوتي تماديه .......... علمني استقبل خطاه برحابه والواجب انه لو جحد فزعتي فيه .......... ما يجحد حقوق النسب والقرابه وأنا اللي يوم ان المصايب تبكيه .......... كنت أقرب إله بضيقته من ثيابه اللي تعاف أوله ينعاف تاليه .......... وأنا كفا صدري من الغيظ ما به من لا وقف لي وقفة رجال ما ابيه .......... يغني عن حضور المقفي غيابه من لا فزع بالكايدة مع بني خيه .......... وقت الرخا ما يحسب حساب لابه علمت غيري كيف لاصد ماجيه .......... وانا تعلمــت الصــبــر والصــلابــه لأن الشجاع إن ما لقى من يواسيه .......... إن ما نشته ما علمت بمصابه مادام بعدي عن رفيقي بيرضيه .......... نذر علي اني فــــلا اطق بابه عيب التفت في جاه مخلوق وادعيه .......... والمبتلي ساعة دعا مستجابه الضعف ما طيقه ولا أطيق طاريه .......... والدمع لا يرقى ولا يـنـرقــابــه إن ما جمعت وجيه مـاأفرق وجيه .......... ومن لا بنيته ماسعيت بخرابه وانا لواني باألتفت باألتفت ليــه .......... الرمح غالي والفريسه ذبابه بدري عليه احسب له حساب واجيه .......... وبدري عليه يشيلني من حسابه كأني عتـقتـه بأعـتقـه رأفـــة فـيــه .......... إلا الطــلابـه مــاخشيت الطــلابـه مهب على شانه . . عشان المشاريه .......... سامحت طيشه وابتليت بعذابه اليا كسر في خاطرك شخص تغليه ......... حتى المعاتب تستحي من عتابه اللي سكن صدري من الغيض يكفيه ......... ملت تفـــاصـــيلي سكوت ورتابه اللي بيدخل في مزاجي باأسويه ......... واأخاطب الغض الغليض بخطابه مثل الغل اللي بأخذه منه بعطيه ......... ويسمع جوابي مثل ما اسمع جوابه دام احـــتــرامي للــقــرابــه مــجــريــه ......... ياشـيــخ ملـعـون امـهـا من قــرابــه لو كل شخص بيحتقر في باأخاويه ......... ما كان حزت من المراجل مهابه ياهيه مثلي ما يقولون له هيه ......... مدري متى تــتـــعـــلمـــون الذرابه اللي معلمك الكتابه على ايده ......... لمحة بصر ويبعثرك من كتابه ومثلي لا من قلت لك قول يوفيه ......... والقرم لا من وكد العلم جابه سمه تحدي سمه اللي تسميه ......... بس الوكاد انه مهوب استجابه اللي مهب قد المواجه يخليه ......... ومن لا قدرت تهيبه منك هابه الله يعز وجيه ويطمن وجيه ......... وحنا بشر لكن بشر وسط غابه ومن لا فزع بالكايده مع بني خيه ......... وقت الرخا ما يحسب حساب لابه . . . م _ ن |
مشاركة: اللي بيدخل في مزاجي باأسويه!
بـــــــــــرق الشمــــــــــــــال صح لساان الشااعر ملــــــيووون ولا يكفووووووون وسلمت يمينكــ اخووى على النقل المميز والراائع تمتلكــ ذاائقة رآئعة وراقية لله دركــ بانتظاار جديدكــ00 آحترامى وتقديرى00ريمـــــــــاا00 |
مشاركة: اللي بيدخل في مزاجي باأسويه! صح لسان الشاعر وبيض الله وجهك أخي برق الشمال على النقل وحسن الأختيار ابورامي |
مشاركة: اللي بيدخل في مزاجي باأسويه!
الف شكر اخي ابورامي على مرورك الجميل كل التحايا برق الشمال |
مشاركة: اللي بيدخل في مزاجي باأسويه! صح السان القا يل ولا هنت يا بر ق الشمال وافى |
مشاركة: اللي بيدخل في مزاجي باأسويه! صح لسان الشاعر وتسلم يمناك علي النقل المميز تقبل مروري العنــــــــود |
مشاركة: اللي بيدخل في مزاجي باأسويه!
سعدت بتواجدك الجميل دمت بخير برق الشمال |
مشاركة: اللي بيدخل في مزاجي باأسويه! أثر الحسد لا عشعش بصدر راعيه .......... يجعل من قلوب الحبايب ذيابه اللي تعلم من سكوتي تماديه .......... علمني استقبل خطاه برحابه بيض الله وجهك اخوي برق الشال على النقل الرائع يسلموووووووووو لاعدمناك |
مشاركة: اللي بيدخل في مزاجي باأسويه! دام احـــتــرامي للــقــرابــه مــجــريــه ......... ياشـيــخ ملـعـون امـهـا من قــرابــه لو كل شخص بيحتقر في باأخاويه ......... ما كان حزت من المراجل مهابه ياهيه مثلي ما يقولون له هيه ......... مدري متى تــتـــعـــلمـــون الذرابه الله عليك يا برق ابيات راااائعهـ وقصيدهـ اجمل ... احسنت الاختيار وكلك ذوق ... كذلك انك مبدع .. ولاهنت ع النقل الجميل ... بنتظار جديدكـ - تحيتي - نـ ع ـــناعهـ |
مشاركة: اللي بيدخل في مزاجي باأسويه! برق الشمـال .. صح لسآآنك ولسآن شاعرها وسلمت ولآهنت × يوم ان شاء الله قصيـده رآئعه ونقـل مميز أخوي برق لا أخفيك انني قبل أن أنضم لمنتدى جهينـه أتابع كل ماتطرح وأكثر ماتنقله مميز جدا ً .. تقبـل مروري ... دمت ودآم أبداعك ان شاء الله ... |
| جميع الأوقات بتوقيت السعودية. الساعة الآن " 03:03 ص. |
Powered by: vBulletin Version 3.0.7
Copyright ©2000 - 2009, Jelsoft Enterprises Ltd.
