مرحبا والكل يبحث عن مفالي صيده= خل عنكم ياجماعة خير نبغى نبدا
لكن اشوف الوضع متعقد ورا تعقيده=والزمان الشين ما خلا لنا من مبدا

البقا والدرب يالبتار دايم سيده = شغل الحاسوب واضغط قائمة من (ابدا)
سندوا قبلك وكل ٍ عاجبه تسنيده = وانت تهبد ضلع متريح بظله هبدا

سايرٌ بالدرب واسمع زين ياخو عيده = استلمها من يد البتار عد ونقدا
في ذرى ذاك الجبل الكل يرفع إيده = نطلب الله يحفظه مما تحيك الأعدا

كل منا يريد والله يفعل اللي يريده = يجعل البراق يبرق بالديار الجردا
ودي انشد عن عقيد القوم وش هو فيده = ليت سيفه لو تطول المعركه ما يصدا

شايفك حول الهدف لكن عجزت تصيده = كل ما حاولت تجي الثانيه منها أردا
البشر متطوره بسلاحها وتزيده = وانت لا زلت متوشح بالسيوف الدردا