|
العادات المهم أبدأ الموضوع بقصه أنا اليوم رحت ملكة واحد من أصحابي المهم جيت البيت عندهم طلع الوضع يعني عاااااادي البنا و الحريم بجنبا لكن نشوفهم و يسولفو وكذا الدعوه عاااااااادي و هذا وضع غريب عن عاداتنا المهم أناا مشيت على عاداتهم حتى الأكل كنت أقلدهم يعني كأني واحد منهم سؤالي وموضوعي هو أذا رحت بأي مجتمع سواء سافرت بره أو أي مكان هل تتمسك بعاداتك و لا تعيش بعاداتهم أكيد الدين و بعض الأصول ثابته ما تتغير أقصد بعادات العزايم أو طرق الأكل أو طرق المعيشه أنا عني سافرت كثير و بصراحه بكل ديره أحس أني شخص مختلف يعني أساير كل مجتمع مو زي صاحبي اللي دايم معااااااي عنده عادات ما يغيرها و ما يعيش بأي دوله أتمنى ردووووووووودكم بصراحه مو عشان منتدى وكذا |
مشاركة: العادات
عني طبعا أشوف ان المسايرة غلط وترك العادات والتقاليد أمر غير منطقي لان العادات والتقاليد موجودة بكل المجتمعات وش معنى حنا بس اللي نحاسب عليها ونعتبر بالتزامنا بها متأخرين طبعا أنا احكي عن العادات والتقاليد الحميدة وليست المذمومة والبغيضة أما بالنسبة لحضور هالنوعية اللي ذكرتها من المناسبات عني شخصياً أرفض حضورها واعتذر عنها باسلوب لطيف لايجرح الآخرين بس بسألك أخوي هل الملكة اللي حضرتها صايرة بجدة ؟؟ تحياتي |
مشاركة: العادات أيه صارت بجده أنا ماكنت أعرف أنه راح يصير كذا ما كنت أعرف والله بس أتفاجأت قدامي الوضع كذا مو بأمكاني أخرج و لا شي قلت في نفسي أنا جيت أقدم واجب و أخرج على فكره كثير أنعزم أعياد ميلاد بجده ما أروووح لأنها حرااااااااااام أما الملكه لازم أروح وحصل هذا الشي و أنا ما أدري |
مشاركة: العادات أحترم فيكـ الصراحة أخوي جسار ،،، لكن لابد من التمسك بالعادات الحميدة طبعاً في أي مكان نتواجد فيه ،،، لأن عاداتنا هي هويتنا التي نتميز بها عن غيرنا،،، أسطـــــــــــــــــــــــــورة |
مشاركة: العادات العادة اذا كانت غير مؤيدة بحكم شرعي (لا يعني هذا ان تخالفة) لا يجب التمسك بها بدرجة تجعلك تبتعد عن صديق في فرح او ترح ------------ |
مشاركة: العادات مشكوور اخووووي على جرئتك وصراحتك في المووضووع عني انا وقصم ما اترك عاداتي <<< بكرتوونه الاخ < برا لان بصارحه اذا طالعت يمين يسار كل الناس متمسكه في عاداتهم وكلن له شخصيته المختلفه عن الاخر انا عن نفسي متمسك بعاداتي حتىآ الثماله ولي شخصيتي المميزهـ في هذ1 المجال انظر اخوووي جسار من ذهبت اليهم لم يتركو عاداتهم امامكـ ؟؟ فلذاك نحن اولىآ من هم في التمسك بهذا الشيء تحياتي لك يا الغلا مدري وشو |
مشاركة: العادات
يعطيك العافية اخي جسار والحقيقة عاداتنا اغلبها مستمده من ديننا الاسلامي يعني لابدمن التمسك بها والوضع الي كنت فية انت لو انسحبت منة او استئذنت منة كان يكون افضل لان يوجد اختلاط وهذا محرم على العموم لاعاد تعودها ودمت بخير |
مشاركة: العادات موضوعك حلو خيو جسار. لازم نتمسك بعاداتنا. اللي اقصده بالعادات هي الاشياء الثابته مثل اللهجة والطيبة والحاجات هذي. اما الاكل واللبس مو عادات ثابتة. مثل ماقلت اهم شي ديننا وقيمنا مانفرط فيها او نتجاوزها. تقبل مروري وتقديري. |
مشاركة: العادات كثرت كثير من هالشغلا الايام ذي بس الله يستر من اللي جاي :icon25::icon25::icon25::icon25: |
مشاركة: العادات لكل طائفة في المجتمع أعراف وتقاليد تحتكم لها وهي باعتقادي مكملة للشرع والقانون ولاتتعارض معهما الا فيما ندر وتتفاوت الاعراف والتقاليد في شدة تطبيقها من مجتمع الى أخر العادات والاعراف والتقاليد في المجتمعات القبلية والبدوية المحافظة تهتم بالمحافظة على أستقامة الفرد في كل شيء ولاتعيق حركة التقدم والتطور كما يعتقد البعض تقبل مروري |
| جميع الأوقات بتوقيت السعودية. الساعة الآن " 02:58 ص. |
Powered by: vBulletin Version 3.0.7
Copyright ©2000 - 2009, Jelsoft Enterprises Ltd.
