منتدى شبكة جهينه نت - قبل لاتمشي !! رجعنــــي ؟؟

أبي أعرف : تحبِّيني ؟
أو إنك مثل ما قالوا ،
جرحتي الوِد وسنيني ..
طعنتي الملح والعِشرة ..
نثرتيني بـ وجه الريح !
ولما إسألوا عنّي ..
تجاهلتي ،
و نسيتيني !

حقيقة إنتِ : تحبِّيني ؟
إذا ضاقت بيْ الدنيا ،
وملاها البرد أيامي ..
وعجزت من الوجع أغفى !
تحسّي بي وتغطيني ..؟
تسابق خطوة أنفاسك ..
وتركض لي ،
تدفّيني ؟

تعالي ..
تعالي ..
تعالي ..
يالله قوليلي ،
إذا مرّك بهذا الصبح ..
عطر باقي من ثيابي
ودمعٍ جرّح أهدابي ..
وإذا بليلك تناسيتي ،
ولا إهتميتي بـ غيابي !
ونسيتيها حكاوينا ،
و لهفتنا بـ غناوينا ..
وبكى قلبك على الذكرى ..
وعاتب قسوة إحساسك ،
.. أبي ردّك :
تحبِّيني ؟

وإذا ضاقت بي الدنيا ..
وتغرّب فيني إحساسي ..
وجيت أبكي على بابك ،
وأصرخ ..
" حيل محتاجك :
أبـ أسمع منك عتابك ..
وأدورلك عذر وحلول ،
لأجل أعرف : تحبِّيني ؟

تعالي ..
تعالي ..
تعالي ..
الحين مرّيني ،
لأجل ماتنكسر أحلام ..
وتمُوت أيام عشناها ..
بنيناها بـ روابط حُب ،
لأجل ما يقولوا العذّال :
علاقة " عابرة " كانت ..
طبيعي إفترقوا و هانت !
طبيعي إفترقوا و هانت !

وربّي : إنتي تحبِّيني ..
وأكيد بترجعين الحين ،
محال أصلاً تخليني ..
ولو طالت بنا المدّة ،
صعب أنسى وتجافيني ..
والأصعب إنتِ تنسيني ،
طلبتك : لاتردّيني !
أبي نرجع مثل الأول ..
نسولف عن بدايتنا
أماانه ،
لا تْخذْليني !

دقيقه بس قبل تمشي :
أبي منِّكـ ترد ........ عُمــري !
بقايا سنيني و رُوحي ....!
وحتى جروحي .. و بُوحي
أبِي كل شي يرد منِّكـ ..!
وأبي تنساني وتمضيـــ
بدونيـــ !!
و لا يجي منِّكـ كلام يرِّجعـ الأحلام ..!
أبيها تنَـام !!
وأبيك تمشي !!!

.
.
خَلااص أرجوكـ إذا تسمحــ :
خذ طعُونكـ .. معَ / رماحكـ !
تراها كِثرتْ ثقوبي .. وسط / صدري !!
بفِعل إيدكـ / مع سيوفكـ !!

.
.
إذا تَذْكِر :
بـ وسط آلامكـ ونوحكـ
لقيتكـ /
وإنكسر همِّكـ .. علَى إيديـ !
وقلت بروحي آضمِّكـ
وأغيِّر كِل عناوينكـ ..
وتسكِن داخِلي وأسقيكـ ..
مِن أفراحِي ....
إلين إنِّكـ :
تصير طموحي ..
..... وآمالي .....
وأشوف الدنيا من : عينكـ
بـ طعم ثانيــ ..!

.
.
يا ناكِر ..
كيف تتجاهل ؟
مدايــن : كنَّا نسكنها
وصُروحٍ : بيدي وبيدك تعلَّتــ
وإنبنت فينا !!
أيا ناكِر ..
كثير أشياء أبد ما أقدر / أحصيها ...!
دخيلكـ
كيف بس تقدر ..
تغمض جفنكـ / بليلكـ ..
وفيني كانت الصدمة ....
كبيــرهـ حيل مِن / يَمِّكـ !!

.
.
تذكِر ..
العيــد وخيالكـ !؟
وكيف كانت أُمنياتكـ :
( بس إنتِي فيك عيدي يكُون عيد )
وهذا عيدٍ .. مَرْ / دُوني !!!
وقالوا بإنِّكـ :
سعيد ..
مَا يهمِّكـ ..
وُ ما عَليكـ !!
- كيف طيِّب ..
يعني إنتَ كِنت : تَكْذِبــ !!!

.
.
وجَاي بـ تجدد أماني ؟
ياخي يكفي
إمشْ !

بســ ..
قبل لا تمشي :

رجِّعنـي !!

ما وحشتك !؟
يعني ما هزِّك غيابي ؟
مافقدت إنتَ وجودي ؟
ماشعرت بـ " شي ناقص " !!

ما وحشتك !؟
ما طرالك قلبي بلحظة حنين ؟
ما سألت أنفاس قلبك عنِّي / وين ؟
ماذبحك [ الشوق ] وإحساسك ت ب ع ث ر !!

ما وحشتك !؟
ما تأثَّرت بفراقي ؟
ما ( يشتِّتك ) إبتعادي ؟
ماتغيَّر أي شي !!

:
طيِّب إسمع ..
ماجفاك النُّوم بعدي ؟
ما ندم نبضك / علَيّ ؟
ماشعرتــ بـ " إغتراب " !!
ماتحس إنتَ بعذابــ !!

:

يا خسارهــ !!
يعني أفهم
إنِّي أصلاً ما أهمِّك !!

ما وحشتك !؟

و........
قالـولك ؟

أذكر إنِّي جيتـ لك ..
أحمل فـ قلبي قرار ..
يا فلان :
[ أَكُونُكَ .. أو لا أَكُونُ .. وأُمحَى ]
ولكنِّك ..
رضيت أمحي ليالينا ..
بقايا حبنا فينا ..
خطاوينا ..
رمال " العشق " لا سرنا ..
على جال الفرح
والخطوه الخجلى ..
رميت الــود و ( العِشْرهـ ) ..
هدمت اللي إنبنى فينا ..
مشى فيك الغرور ورحتـ
تباري الجرح ..!

.... إفتــرقنا !
وغدا هالدربــ ..
فينا " دروبـ "..
ثلاث سنين مرَّتنا ..
غديت لغيرك ..
وإنتــ ..
دخيل الدرب واللهفه ..
دخيلك ..
وش حصلْ لي فيك ؟!

أنا عن نفسي ناظرني ..
هنا فـ يسراي ذي " دبلهـ " ..
وهناك بعيد لي [ طفله] ..
دخيلك وش حصلْ لي فيك ؟!

يقولوا ( نادم ) وتعبان ..
وكاس الهم بك مليان ..
يقولوا حيل " متحسِّف " ..
وعلى اللي صار [ متأسِّف ] ..!

أنا واللهـ مابيدِّي
سوى إنِّي أصد عنِّك ..
وأمشي بعيد وأتركـ لك ..
بقايا فرح ..
بقايا جرح ..
بقايا غرور ..
بقايا دربــ ..

تذكرَّني ..
هِنا جيتـك وخيَّرتــك ..
وهِنا تكبَّلتـْ بغرورك ..
ورضيتــ [ أرحل ] ..!

هنا كانت بدايتنا ..
وهنا كانت نهايتنا ..
وهنا صدفه تلاقينا ..
معايا دبلتي ..
وطفلهـ ..
معايا دبلتي ..
وطفلهـ ..
معايا دبلتي ..
وطفلهـ ..

:

ما ......
قالولك ؟!

.

أبد والـلَّـه

على خبرك ...

أغض الطرف ،
و أنتظرك ..

أبعثر شَعري المجنون ...
ألملم حلمي المدفون /
أداري ظهري المطعون...

و أنتظرك ..

و أتساءل :
وش اللي باقي بـ إحساسي ...
بـ زمن ناسيني و قاسي ...
وش اللي باقي بـ أشواقي ...
لـ جفا
يخنق لي أنفاسي ..!

تدوزنِّي إنكساراتي ..
مثل عودٍ
عيونك كل أوتاره !
وإسمك أجمل ألحانه !
رحلت
وذبلتْ الريشة !!

وأنا بعدك ..
سفينة هَمْ ،
من الضيقات ..
تتكسَّر !

تجيني كيف ....؟!
وبيني وبينها دروبك !
مسااافات ..!
وعذاب وزيف !

أبد والله ...
على حطَّت يديك .. الجرح ،
وآلامي ...

على خبرك أموت وأحيا
بـ أوهامي

و أنتظرك ..!

وصوتي دايمٍ يسأل :

[ وينها عيونك حبيبي
سافرت مثلك حبيبي ؟! ]

عجزت ألقى لصوتي حل..
أنادي به ولا رديت !!
ولا فكَّر بيوم يـ مل ..

أنا دايم ..
على خبرك ..
أموت أموت ،

و أحتضرك ..

:

* الدقايق :
يعني هذا الهم فيني ..
حيل فاااايق ..!!

* الثواني :
يبحر الدمع بجفوني
ومايلاقي له مواني ..!!

* السنين :
يعني نمضي بلا هدفــ
يعني نمشي بلا دليل
يعني قلبك لا صرخ
تفتح أبوابك لهمِّك
وتلقى نفسك ..
حيل ضايق ..
وحيل نازف هالحنين ..!!

* الألم :
لما تقتل رغبتك
وتلمح بعين إنكسارك
كل حياتك مهزلهـ
لما تتغرب بنفسك !
لما تتجرع مرارة حزنك
وجوَّاك " ميتــ "
لما تكسر بيد حرفك
... هالقلم !!

* الوفا :
يعني قلبك لا صرخــ
يلقى له صدرٍ يضمَّهـ
وبعز همَّه يحضنهـ
ما يخافه يهمله أو يجيله يوم ويرميه بجفافــ !
ولو جفاه ؟
يخرس ويكتم :
أفااا ..!!

* الحنين :
لما فيك الحس يبكي
لما يسأل ..
اللي باعك ..
وين ؟
وين ؟

* المآسي :
لما تتجمع غمومك ويَّا همِّك والمصايب
وبوسط قلبك ..
تبدأ بلعبة " كراسي " ..!!

* الهموم :
يعني لما تلقى نفسك
تايهه تسال عليك !
يعني لما تلقى وجهك
غايب بكومة غيوم ..!!

* الوداع :
يعني لما قلوب حبَّتــ
وسهرتــ وأظن " ضحَّتــ "
وفجأه حسَّت بالضياع ..!

* الفراقـ :
تشعر إنَّ الصدر ضاق
وتنتهي بآخر طريق
وماتلاقيلك ملاذ
ويبدي فيك الـ إخ ت ن ا ق ..!!

* الغياب :
لما تتفقد حياتك
وتلقى صوره لشخص راح !
تبدا تقرب عليها
لاجل تمحي
هالضبابــ !!

* الصداقه :
يعني تلقالك خوي
تبدا تهمه ويهمك
ويرجع يرتب سنينك
يعني ماترجع تفكر
بـ إنك أحيانًا
في غابه !!

* الحياهـ :
يعني تعيش الصراعـ
ويبدي فيك الإنصياع
ويبتدي فيك العطش
وتبدا تشعر بالتعب
وتقفر الأرض اللي إنت فيها
وماتوصِّلها مياهــ !!

* القهر :
تكتم الضيقه دهر
ترفض العَبرة النزول ..
تشعر إنَّ الأمر ضااااق
يبدي صبرك ينفجر ..!!

* الهوَى :
تلقا إحساسك تبعثر
وبوسط قلبك ايتفجر ألف نبض وألف صوتٍ
لك ينادي ..
" وينه حبك ؟ "
ويرجع يلخبط كيانك ألف جرحٍ لك يصوِّتــ ..
" مالنا غيرهـ / دوَى " ..!!

* الجروحـ :
تصرخ أقدارك بوجهكـ ..
تلقى فرحك مرتبك
تلقى حزنك لك يبوح
ويبتدي قلبك ينوحــ !!

* الأمل :
يعني تشعر بإرتياح
يعني إتحاول تكسِّر هالقيود ..
وترجع تعيش بفرح
يعني لما تبدا ترتب حياتك ..
تبصر فـ قلبك " طفل " ....!!

* الهنوفـ :
قمة إحساس ومشاعر
كتلة حروف ..!!

* الدموع :
يعني تعلن كبريائك
وتلمح بعينك خضوع !!

* الزمنـ :
ينتكس فيك الجسد
تب تقوم ..
تلقى عظمك .. " قَدْ وَهَن "!

* الحنانـ :
يحضنك صدر بدفا
تشعر إنِّك في أمان !!

* المرايا :
إنِّك تشوف الخفايا ..!!

* الملل :
دائرة تكبر وتكبر
إتساعٍ بإتساع
هو بياض ؟
هو سواد !
هُو شعورٍ بـ " الكَلَل " !

* المُحال :
تشعر إنِّك وسط " قَاع " ..
وإن حلمك فوق قمَّة
من قمم هذي الجبال !!

:

إحترامي للجميع
برق الشمال