|
[ سدِّد الطعنات تكفى دس نصلك بالوريد ]  مَدْخَلْ :- تمتمه لولا خطوب العشق ما جادت حروف التمتمه لملمه للي مضى خلف الحنايا والدروب المعتمه لولا هدبها لولا عتبها لولا الخيال اللي على مرقاب حزني لي نصبها ما بكيت ما شكيت ما وقفت أقسم وأصحي كل حي وكل ميت غارت بصدري همومٍ موجعـه ......... وأشتعلت بليلة الماضي ظـلام زعزع بصدري حنيني مهجعه ......... رز رايات السهر فوق المنـام خافقي مخنوق والدنيـا سعـه ............ والحنين إكتظ بعروقي غـرام محرقة صدري تفور بأضلعـه ............ يا لهب صدري تركته لي حطام حلّق الطاري بصدري يرفعـه ............ زافرات الوجد يكفخ لين حـام والرجا بالحب فينـي يصفعـه ............ كف واقع حوّل أحلامي ركـام كن تسهيدي صـلاة مشرعـه ............ كن أحلامي حرامٍ فـي حـرام كنـي المولـود موالـه معـه ............ كني المفقود مـن وزن المقـام ورعشة شفتي بإسمك! وصرخة عمري بحلمك ، تصيح بباقي أيامي تصوّت عود لأحلامي ، تعلمني كتابة بوح وتسهر بالدمع والروح ، وشخصٍ ساكنٍ في نجد ذبحه الشوق لك والوجد ، بلا ديرة بلا منفى بلا غربة بلا ملفى ، بلا حتى سفوف البيد وهي راحت بعيد بعيد
سدد الطعنـات تكفـى دس نصلـك بالوريـد ............................ سيّل إجراحـي وكابـر آه م أحلـى طعنتـك صوّت بجرحي وسمّع مـن ورى شـطٍ بعيـد ............................ قول للدنيا بهمسك : (( شوف مأكبر غلطتك )) كبّر الموضوع وإنسى إن لـي قلـبٍٍ طريـد ............................ من تركته ما تركتـه ،، زولـك بزولـه فتـك ردد إنه فـي غيابـك: بـدل الحـب الوحيـد ............................ زَيَّـف القصـة وأنكـر قصتـه مـع قصتـك وتمر فِي دَربي عَناوِيني .. وكلّ المسَافة لِيل فِي عيني وحدُودَها اللي تحتوي النسيَان تشرَح نَشِيج النّاي فِي صَدر المدَى وتكسِر جنَاحِيني وعزة من خلق خدك وحط الحسن في يمناك ................................ورب البيت والغربة ورب الشمس والقمـرا ورب الشامة اليمنى على خدك ترف هنـاك ................................تبان شوي وشويـه تضيـع بسايـل العبـرا أنا ما جف لي جفنٍ بعد فرقـى حنينـك ذاك ................................أعيش بوسوسة نسيـان والتعويـذة الذكـرى أنام بحزن غسلني ودثرنـي كفـن ذكـراك ................................ويكتب في عيوني الشوق والهاجوس له يقرى أنا بعدك تعبت أبكي بترنيمـة وعـد لقيـاك ................................وصرخة فرقتك فيني صدى لسنيني الغبـرى أخيل ولا ضواني الليل رتل هاجسي طرياك ................................وعربد بالهزيع الصبح وبكى عيني المسـرى أبي أغرق بفيظ الليل في جيدك وفي عينـاك ................................أبي أتنفس إصباحـك بخـدٍ كنهـا الجمـرا أبي حسك يزمزمني بخآآآلد والغنـج بشفـاك ................................يطهر من معاليقي ظمـاي لكلمـةٍ صغـرى أبي أفسر أسرارك وليه القلب ما ينسـاك؟!! ................................وليه إنتي ولو جيتي هتكتي دمعـةٍ عـذرا؟!! تعالي لا تخلينـه وحطـي بالحشـا مركـاك ................................تقهوي من حنان القلب حبٍ ما قـدر يبـرى تعالي نامي أبحظنه وشوفي بالصدر ملفـاك ................................تعالي شوفي أشواقه غدت له لعنـةٍ كبـرى تطهر بالوجع جرحه دمـوعٍ تغسلـه ببكـاك ................................يصبصب هامله بعدك بشفع الدمـع والوتـرا بكت به للعنود اللـي تبـدل دورة الأفـلاك ................................تحط الشمس تحت الخد تبـدى دورةٍ أخـرى يهل الليل حزن وويل يهتك هالظلام ضيـاك ................................يداعب فالسماء طيفك ويرسم للدمع مجـرى يغني ترقص الدنيا على بحـة نغـم فرقـاك ................................عن الموعود وقت الجود وأيمان الوفا تتـرا دخيلك وش بقى فيني عشان أتلد لي بخطـاك ................................وطيفك ما برح عيني وعسكر بالسهر بـرى سرى بي ليلي الشاكي على ذكرى حنينك ذاك ................................سرى بي والخيال إنتي وباقـي وردةٍ حمـرا ذبل فيها الحنين وهلّهل الأوراق والأشـواك ................................تكسر شوكها الجارح بعد ما جرّح الذكـرى مَخْرَجْ :- ................. للظـلّ والمَنفـى هَمَـا حبـري ..... أشكِي وَلا لـي بالصّبـر قُـدره ..... // قــراءة ممتعة عبدالعزيز الجهني |
مشاركة: [ سدِّد الطعنات تكفى دس نصلك بالوريد ] ***الله يعطيــــــــكـــــ الف عافيه اخي عبدالعزيز مبدع دومااااااااا في جميع اختياراتكـــ لاتحــــــــــرمنا جديدكــــــــــ*** تحيــــــــــــــاتي SOS0 |
مشاركة: [ سدِّد الطعنات تكفى دس نصلك بالوريد ]
الاخ عبدالعزيز الجهني يعطيك العافيه يالذيب وبيض الله وجهك تقبل مني كل احترام متوج بالمحبه والتقدير اخوك &الاصيل& |
مشاركة: [ سدِّد الطعنات تكفى دس نصلك بالوريد ] أخي الفاضل,,,عبدالعزيز استمتـعت بكــل حـرف مـن حروفـك فـلا تبـخل علينــا بمثـل هــذه الروائـع أشكــرك علــى هــذه آلكلمــآت آلجميلــه جميـــل آن تشــآركنــا إحســآســــك دام الإبــداع رفيـق حرفــك ..... |
مشاركة: [ سدِّد الطعنات تكفى دس نصلك بالوريد ] للظـلّ والمَنفـى هَمَـا حبـري ..... أشكِي وَلا لـي بالصّبـر قُـدره ذوووووق يالغلاااااااااا سلمت اناملك .. ننتظر جديدك ... |
مشاركة: [ سدِّد الطعنات تكفى دس نصلك بالوريد ]
SOSO كم يسعدني حضورك الرااااائع في متصفحي ودمتي بخير |
مشاركة: [ سدِّد الطعنات تكفى دس نصلك بالوريد ]
حتماً هي كذلكـ عبد العزيز،، استمتعتُ كثيراً بوجودي هنا وطااب لي نقلكـ،، وحقاً ارتويت شعراً هذا الصباااح،، كُنْ في حفظ الرحمن،،، شموخ جهينة. |
| جميع الأوقات بتوقيت السعودية. الساعة الآن " 05:03 ص. |
Powered by: vBulletin Version 3.0.7
Copyright ©2000 - 2008, Jelsoft Enterprises Ltd.
