|
قصيدة تقطع القلب ( ايام الطفولة) الطفوله .. أحلى مافي هالحياه مرحله من غير هم كنـّا دايم نبتسم كنـّا حتى لو بكينا ... وجارت الدنيا علينا بعد لحظـات وثواني ... بسمه فينا ترتســم كنـّا نركض خلف كوره ... لا لا أنا ماكنت معهم؟ وحدي بس بعيد عنهم ... كنت أضحك من ضحكهم ... جالس لحالي أهذري... جالس أحسب كم( كوبري )... صلـّحه( أحمد ) في ( ماجد ) ؟؟ والله واجد!! وقبل ما يحل الظلام ... للبيوت نروح نجري ... لا لا أنا ماكنت معهم ! أمشي وحدي بعيد عنهم ... أمشي وأعدد أثرهم! وهم عني يبعدون ... يبعدون ... يبعدون ... إلا( ماجد )! كان مثلي حيل ضايق ... بس حزنـي كــان حارق كان يسألني ببراءه : ... ليش تعرج ؟ ... قلت مادري ! - باستياء - ليش تبكي ؟ قلت مابكي - بكبرياء - ضاق مني ... ثم سألني في غباء ... قال ( وثرايك تـثــابق )؟ وراح عنــّــي ... !! كنت أسأل دوم نفسي ... ليش ما أركض معاهم ؟؟ ليش دوم أمشي وراهم ؟؟ وش بلاي ؟؟ أو وش بلاهم ؟؟ ليه أنا غير الأنام ؟؟ زاحمتني الأسئله... كل شيٍ أجهله ؟ وإن تعبت من الإجـــابه... أحظن الحيـــره وأنام . مرّت سنين وكبرت ... صار همّي اليوم أكبر حتى دمعي صار أكثر للأسف توي قدرت ... أفهم إني شخص ( عاجز )! يعني بيني وبينكم مليون حاجـــز !!! صدقوني ذي حقيقه ... لا طلعت السوق ... كل مامشي دقيقه القى كل شوي أبله ! يمشي ويناظر صديقه ... ويغمز له يقول : ناظر...! وش يناظر ؟؟ وتتفجّــر في خفوقي ألف ضيقه ووحده في وسط الزحام ... طالعتني باهتمام ... بنت في عمر الزهور ... أي رشاقه ... وأي أناقه ... وأي عطـــور !! قلت في نفسي وووه هي تناظرني بغرام ؟ أو هي نظره والسلام ؟ بس أكيد إنها تعرفني ... شايفتني ؟ شايفتني في جريده ؟ واعجبتها لي قصيده ؟ إيييييه أنا توي افتكرت ... لي قصيده ... كنت ناشر معها صوره بس صوره ... ياسلااااا م وفاجأتني ... لمـّا صارت لي قريبه ... كانت تـتمـتم بطيبه ( يكسر الخاطــر حـــرااااام ) !!!!! وتركت دمعه غريبه ... وضاعت بوسط الزحــام دمعه كانت تحكي وضعي ... زلزلتني ارتطم قلبي بضلعي ... دمرتني صدقوني ... أصعب اللحظــات وأقسى لاغدا الرجـّــــال يكسر ... خاطر انثى كيف ينسى ؟؟؟ جاوبوني ! |
مشاركة: قصيدة تقطع القلب ( ايام الطفولة) اسأل الله أن يرفع البلاء عن كل مبتلى ويشفيهم فإنه لا يعجزه شيء وأسأله أن يعوضهم ما فقدوا من صحتهم وقدراتهم بالجنة ونعيمها قصيدة بالفعل مؤثرة سلم لنا حسك ونبضك أخوي برق على روعة مانقلت |
مشاركة: قصيدة تقطع القلب ( ايام الطفولة)
قصيد ه فعلا تقطع القلب الله يعطيك الف عافيه اخي برق على اختيارك// |
مشاركة: قصيدة تقطع القلب ( ايام الطفولة) دام كتب ها الكلام فهو ابد مو عاجز العاجز هو اليومه مثل امس وبكره بيكون مثل امس ومايسوي شي بحياته للاخره ولالدنيا احد يذكره فيه ومشكوووووووووور يابرق الشماال |
مشاركة: قصيدة تقطع القلب ( ايام الطفولة) ليه يا برق الشمال دمع عيني لا يزال داخل عيوني حبسته ويوم ملت الدمع مال والله هالقصه حزينه حزنها يكفي مدينه نسأل الله العزيز تنفرج في كل حال تحيااااااااااااااااتي |
مشاركة: قصيدة تقطع القلب ( ايام الطفولة)
يعطيك العافيه اخوي برق كعادتك متالق في مواضيعك كل احترام لك يزهوه محبه مني وتقدير اخوك &الاصيل & |
مشاركة: قصيدة تقطع القلب ( ايام الطفولة)
جرح الغلااسعدني حظورك الجميل في متصفحي برق الشمال |
| جميع الأوقات بتوقيت السعودية. الساعة الآن " 06:13 ص. |
Powered by: vBulletin Version 3.0.7
Copyright ©2000 - 2008, Jelsoft Enterprises Ltd.
