لك تحيه يابومشعل عريب الجدود= ينشرح خاطري لاجيت اغني بها
يشهد الله وخلقه كل أبوهم شهود=والمواقف شهيده يوم توفيبها
من عرفتك بفعل الطيب ترقا سنود=والعلوم الجزيله دوم تاتي بها
والله ان الوفا غايه ولا له حدود=فيك وقت الضمايرمات تانيبها
والله أنك بعيني كل يوم(ن) تزود=مشربك عز من صافي مشاريبها
طالب الله يجيرك من حقود وحسود=ويردع الي علوم السو ناو يبها
ياقوي العزوم ويامنيع السدود =من حقيقه ماقوله لجل اماريبها
ماتهيض هواجيسي بروق ورعود=ولاتسره بروق الناس تسريبها
هاجسي كل هيضه يوم اشوفك أبزود=والمراجل دروبك دمت ماشيبها
علم قلته وانا ماني عليه محدود=نخسر ايام وأنت اغلى مكاسيبها
كم ذكرنا مواقف رجل بين الحود=ترحل ارجال لكن مارحل طيبها