منتدى شبكة جهينه نت - هب الهوى غرب

هب الهوى غرب وأجتاح الضلوع وشعرت
إن الليالـي الجميلـة هـب نسناسـهـا
مـدري كبـر حلمنـا ولا بعينـي كبـرت
وإلا هي أوهـام ودي يصـدق إحساسهـا
تنساني أيام وتجينـي متـى مـا ذكـرت
إليا متى وأنت روحـي حابـس أنفاسهـا
كنت أجمل أحلام عمري بس ليه إنكسـرت
يا زين الأحلام لـو مـا ينكسـر باسهـا
بيديك مديت لي كـاس المحبـه وصـرت
أنا أول اللي يـذوق المـر مـن كاسهـا
من يومها وأنت قدام عيني ولو ما ظهرت
دايـم وعينـي تشوفـك بيـن جلاسهـا
قدرت ولا على نفسـي معـك مـا قـدرت
لازاد عنـهـا غيـابـك زاد وسواسـهـا
لو شفت حال الورق والشعر عقبك عذرت
اللي حـرق صفحـة الماضـي وكراسهـا
ما كنت أصدق يجي يوم ابتسـم لانظـرت
أطلال ركـب الليالـي مـر ..مـا داسهـا
وإلا أنت لو قلت لي نادم وجيت اعتـذرت
كان اجمل ابيات شعـري ينحنـي راسهـا
ما فيه داعي توصينـي تـراي اعتبـرت
فرقاك ذكـرى وشعـري علـق اجراسهـا
يكفيني البارح إني فـي عيونـك سهـرت
وقفت بيـن العيـون السـود وانعاسهـا
إن رحت ما أنت اول اللي راح وان حضرت
قلـت الليـال الجميلـه هـب نسناسهـا

,,
,,,
,,