سيرة رسول الله تعلمك عنا=من دون لانحدث ملفات ورشيف

ياخليف دن جريس الانذار دنا=وستوقفت نبضات قلبي تصانيف
ياخليف لك من ذو سنه ممتحنا=ولاطولت تنعاف لوهي عجاريف
ياخي دملت كبودنا وندمنا=والسالفه لا مصخة تنزع الكيف
ياخليف ما معناتها انا زعنا=معناتها منع(ن) للازعاج ياخليف
ولاعلومك متحرك سكنا=ننظرلها نظرة بحر للمجاديف
وانا قضاعي مثل ماأنته تمنا=ولي الشرف وازداد بالجيم تشريف
يأللي تقول أحنا فعنا وفعنا=يامكملين(ن) نقصكم بالسواليف
بالمدح مايرقا نصيب(ن) تثنا=وبالسب ماتنهان روس المشاريف
والله لنا عن قول حنا وحنا=وحنا بغنات الله عن كل تعريف
سيرة رسول الله تعلمك عنا=من دون لانحدث ملفات ورشيف
يرحل طويق ولانشك بثمنا=من ساس ضلع(ن) ماتهزه عواصيف
ومن طبعنا مانخاوي اقل منا=وعلى المبرد ماتجينا مصاريف
دايم تقول انتم رقيتو نخلنا=وسعي(ن) ورى الارزاق مابه تكاسيف
نرقا ورقينا وعمرنا مانزنا=عن مستوانا اللي مغلف عن الزيف
نعم طلعنا فوق وانته تجنا=ونقطف ثمار المزهيات المطاريف
وتنظرلنا يامابك انك تصنا=وتبطي عظم بين الكرانيف والليف
وقسيمك اللي حظك ايجيب منا=المنتبن واللي نشب بالكرانيف
ونبقا حرار نعود من حيث كنا=لاغرد النغري على تالي الصيف

ياحي ابن متروك مارفرف الطير= صدري وكل المنتدا له رحابه
صحيح ودعني وروح على خير= الله يبيض وجه رجال جابه

السلام ليكم ورحمة الله وبركاته
الله يبقيكم وسلمتم ياعيال العم
شكر وتقدير واحترام للجميع وسعيد بوجودي بينكم
بيض الله وجيهكم والله يحفظكم من كل مكروه
أتشرف واعتز فيكم الله لايهينكم
اتمنى ان اقدم مايحوز على رضى الجميع

يامرحبابك ياسليل المناعير=عزوه لهم فزعه وعز ومهابه
شاعر وله بقلوبنا كل تقدير=مثله لزوم الكل يحسب احسابه