لليل ياوجدي على صبر الحليم ليانفد =وجدي على امسي وتفكيري بما يخفي غدي
مع كل طـاروقٍ جديـد اشـوف عشّـاقٍ جـدد=وانا وحظي في حياتـي بيـن مهـدي والحـدي
قصـة حياتـي حبلهـا حبـلٍ طويـلٍ ممـسـد=صوره ملونها الفلك باسمي ويومي ووعدي
صورة ولا احد شافها قبلي ولا خلقت بعد =لوشافها المحرم بدون احرام يذبح له فدي
ناديت قالت سم قلت وقل هو الله احد = قالت ما شاالله قلت ما شاالله على كشن وبدي
انتي بشر قالت بفضل الله بشر واسمي شهد= لكن من اي الناس قلت من البشر وانت اشهدي
قالت تراني قلت اكيد اللي ارى ورك ونهد=والسيف والموت الحمر والدرع والغض الندي
كني بك احكم مملكة دنيا الخلود الى الابد=واملك قصور الجان وسهيل اليماني والجدي
ابليس لو شافك قبل يكفر لابونا ادم سجد=الله يخس ابليس ولد ابليس اثر حظه ردي
قالت تعال اقعد هنا قلت العدايم والقعد=حمر النفود يرشها هتان برقي وبردي
ان ادبرت كنها تقول ايش شايف ياولد=وان اقبلت كن المهار الصفر للحرب تعدي
قلت آه قالت لي غرامك حكم قلت احكم بلد=وش لي بالارض ان صارت عيونك حياتي وبلدي
بس اوعديني نخرج من الكون قالت لي وعد=هذا مكانك قلت غيره قالت ابشر بسعدي
غفيت مثل اللي غفى طرفه ولكن ما رقد=واخذت سكرة زير لافاقد ولاقل جهدي
دليل قلبي ياقطاة الليل لا منه فقد=قبل ابرهة والفيل تحداني مقاديري حدي
واصوم وافطر من ثغب غرا بشايرها برد=كالرايح الغربي مسيرها على راحة يدي
رحلة عمر فيها اسبوعي سبت ماكـن فيـه احـد=أنعم بديباج الغلا واللـي علـى البـال already

كم لي وانا اخدع نفسي بثوب الفرح على نكد=وكم لي وانا ألد النظر واحل وارحل بنكدي
حتى طرق سمعي صدى صوت على المعنى صمد=نبهني الرزقي وانا غافل بحلم سرمدي
أحييت يالرزقي بعض شوق من الغفلة خمد=وارشدتني وان كنت ما تقصد لعلك ترشدي
فكري مع فكر يابو صالح على المعنى ورد=جاء للمجارى ذوق في قنص السباق الشردي
يالشاعر اللي تخرس الالسن وتلجم لاقصد=كنك على قلبي تويق وعارف وش مقصدي
حرك كوامن نفسي اسلوب كما برق ورعد=في ناوة ترسل على روس الشواهيق بردي
والقصة اللي كل من ياخذ ظاهرها نقد=قصة حياتك تشبه لقصة حياتي يا بعدى
والصورة اللي قلت يرسمها خيالك لك لقد=سرح خيالي في جهتها صعب ثم عود هدي
الاذن لا تسمع ولا عين رأت مبسم رغد = واحبها أكثرما يحب الطفل ترياق الثدي
لكن بعض اوصافها تعرف ومحفوظة سند = لديك معروفة ومعلومة ومفهومة لدي
عن حسنها بعض عيون الناس صايبها رمد = وبعض خيال الناس شوفة عن مفاتنها قدي
مزيونة مصيونة من كل نفاثة عقد = وان كان حبت الاجودية ما تحب الا اجودي
مامثلها في وائلة في يام ف أكلب في معد = عشيقها في غير رجواها على الدنيا مدي
لو انها تكسب بعلط الشلف وامات القفد = غزيت انا وابوي واخواني وعمي وولدي
والحكمة اللي مختصرها شرط من جد وجد = ان ما تداركني عفو ربي فلا نيب مهدي
واللى رفع سبع السموات الطباق بلا عمد = ان ماسقتني من ثناياها رحيق لا اغدي
وآخر كلامي من جهل مسراك يا شبل الاسد = قال المثل ( حده على المسجد ترى دينه ردي)

الاذن لا تسمـع ولا عيـن رأت مبسـم رغـد = واحبها أكثرمـا يحـب الطفـل تريـاق الثـدي

يعطيك العافيه ابو فراس على النقل وصحة السنتهم و بيض الله وجهك يا ابن الأجواد