سلام للي يحضر الميدان والمتفرجين = نبي نطلع من صدور القوم اشياء خافيه
احوالنا ياصحاب ما ندري تزين أو ماتزين = راحنا لهم برجولنا وهذي عرب متعافيه

يا مرحبا ترحيب طيب بالرجال الطيبين = من هاجس ٍ ما ضاق لغنى والاجوا صافيه
لا تحسب ان اهل الجزيرة كلبوهم مرخصين = اعمارهم كله على شان البشوت الضافيه

فيك البقا طول المدى ياصاحب العقل الرزين = لا تبعد الخطوه ولا تمشي ورجلك حافيه
كانك بغيت العلم خلك واقفاً للعلم زين = اللون الأحمر عم معظمها وشاشه طافيه

ابنصحك يا صاحبي لجيت دار المسلمين = لا تراعي بروق المخايل وانت عينك غافيه
المشكلة بالسوق كثر الباعة المتجولين = والا المواقف دونها زحول الرجال الوافيه

لا تبتلش ياصاحبي وتدور العذر السمين = مهما ما نشوف أعذار مانلقى اجابه شافيه
كل السبب ذاك الشنب ما به يسار ولا يمين = شلع جيوباً بارده يم الجيوب الدافيه