منتدى شبكة جهينه نت - خبـرة ثمـان اسنـيـن فــي مــوت الأحــلام

لاهـنـت يالغـالـي عـلـى مـسـح الأرقـــام
كـمّـل لــي الـمـعـروف وألـــغ الشـريـحـه

الـعــام هـــذا .. حـظــي اقـشــر ولا قـــام
( مثلـه مثـل غيـره) ( عـسـى الله يبيـحـه )

ادمــوع هــمّ وحـــزن يـــا ســـود الأيـــام
فـــي لـيـلــة ٍ كــــل الـبـشــر مسـتـريـحـه

خبـرة ثمـان اسنـيـن فــي مــوت الأحــلام
استقـبـلـه حـلـمـي .. وأجــهــز ضـريـحــه

انـــام اودع حـلــم .. وأصـحــى ولا انـــام
بـأيــامــي ( الـمـتـرديــة والـنـطـيـحـه ..!)

ارثــي حيـاتـي وألتـحـف حــزن الأيـتــام
وأشـوف حلمـي يبتسـم لــي وأصيـحـه ..!

لـيـن اقتـلـت قلـبـي عـلـى ديــن الإســـلام
خـــوض الـحــروب المهـلـكـات الذبـيـحـه

وأشـوف دمـي ســاح مــع حـبـر الأقــلام
عـلـى الـبـيـاض بـكــل كـلـمـة صحـيـحـه

يكتـب شقـى.. يكتـب حـزن .. يكـتـب آلام
يـكـتـب جـــروح الـقـلـب لا هـــبّ ريـحــه

يخلـط شقـى الإلهـام .. فـي حـزن الإلـهـام
بـمـعـادلـة رجــــح عــبــاره رجـيـحــه ..!

رجح ( قتيل أحـلام ) عـن ( قبـر الأسقـام)
وأمضى على الدمعات ( فرصة سنيحه )..!

ودع حـيـاتـه والـجـســم والـعـقــل صــــام
عـــن كـــل دعــــوات الـحـيــاة القـبـيـحـه

نـقـرأ وش الـلـي يكـتـبـه قـبــل الإعـــدام
قـبــل الـزمــن يـحــرق ورقـنــا كـديـحــه

صـارت قضـيـه ( مقـتـل المـدعـى الـعـام )
فضـيـحـة ٍ يـــا كـبـرهـا مــــن فـضـيـحـه

يبـحـث عـنـه تـحـت المـبـانـي والأحـطــام
واللـي بقـى مـن لحـم جسـمـه شريـحـه ..!

بـدد سكـون النـاس فـي وســط الأزحــام
صــوت ٍ .. خــرق درع الضـلـوع الشفيـحـه

أول صـــلاة الـمَِـيـت ( تـكـبـيـره إحــــرام
بـيــن الـجـمـوع الـلــي تـصـلــي لـحـيـحـه

فــي محـضـر الـقـصـة تـنـاولـت الأتـهــام
وسجلت من نبـع البحـور .. ( النصيحـه ..!)

يــا سـكـة العـشـاق .. بإسنـيـن الإجـــرام
لا يـدخـلــك غــيــر الـقــلــوب الـصـريـحــه

سـوي لـنـا منـفـذ .. وحـطـي لــك اقـسـام
وإسـطـورة ٍ .. فــي عـالـم الـحـب صيـحـه

و ختـم ٍ علـى البصـمـة .. وقـفـل ٍ للأخـتـام
وجسر ٍ بعرض الكون مـا أحـد ٍ يزيحـه ..!

مـمـزوج مــن فـــولاذ والـذهــب والـخــام
فــي بـحـر .. تـرنـيـم الـمـحـب وصـديـحـه

علـى ضفافـه .. ( جـنـه الـحـب ) و أعــلام
تـقـرأ بـهـا .. صـــدق الـمـكـان ومـديـحـه

مــا وصلـهـا ألا مــن دمـوعــه والأنـســام
مـبـذولــة ٍ لأجـــــل الــوفـــاء تسـتـبـيـحـه

مايدخـل ( أرهـابـي محـبـه ) لــه أرحــام
دخـلـوا بـهـا .. والـحـال مـاهـي صلـيـحـه

لا للخـيـانـه .. لا وســاطــات .. لا إعــــلام
بــس الـوفـاء .. يــوم الشريـحـه سمـيـحـه

اقبـل قــوي الـحـب .. مــا تـهـم الأجـسـام
وعــلــيـــك بالله بـالــوجــيــه الـفـلـيــحــه

مـمـنـوع تـقـبـل لأجـلـهـم صـفـقـة إبــــرام
كــذا تـعـيـش الـنــاس .. حـالــة مـريـحـه

كــذا كــذا .. عـشـت بتنـاقـض ولا أنــلام
غــريــب دار . . وكــــل طــرقــه كـلـيـحـه

كنت ارتجي مـن واقعـي عكـس الأوهـام
دام الـسـنــيــن لـطـعـنــتــي مـسـتـبـيـحــه

أمـشـي ثــلاث أمـتـار وآقــف بـالأعــوام
والـلـي بـقــى بـيــدي .. ثـلــج وصفـيـحـه

وزن الأمـــل فـيـنـي .. ولا مـلــيّ إجـــرام
ومـقـدار عـزمـي ثـــوّر أقـســى قـريـحـه

مستقبـلا ً .. يمـضـي عـلـى حـلـو الأنـغـام
استـهـدفـه صــــاروخ وأعــلــن مـطـيـحـه

ودمـــر مـراكــز قــوتــه .. زرع الألــغــام
وبــروجــه الــلـــي عـالــيــات ٍ طـريــحــه

لو صحت بأعلى الصـوت وأتعبـت الأقـدام
يـرجـع صــدى صـوتـي بـنـبـره جـريـحـه

يــا شـامـخ الشـامـخ .. بتوقـيـع الإبـهـام
مـــا عــــاد بـالـدنـيـا قــلــوب ٍ نـصـيـحـه

بـأضــم قـلـبـي عـــن سكـاكـيـن الأيـــام
وأقـصـر رجـولـي عـــن دروب ٍ شحـيـحـه

مـــادام مـــا تـمــتّ لـنــا ذيـــك الأحــــلام
لا يـخـوفــك كــســر الـقـلــم والفـضـيـحـه

كلـمـة ( وفــاء ) متبـدلـة مــن كــذا عـــام
صارت ( وفاه ) وكل (( كذبه) صحيحه)..!

طـويــت صحـايـفـنـا .. وجــفــن الأقــــلام
فــي ليـلـة ٍ .. كــل الـبـشـر مستـريـحـه ....!