ليه الجفا يامشتت الروح تشتيت=والقلب جاك بقوته وندفاعه
ماقلت ناسي قلت انا الي تناسيت=وأنت الوديع الي حفظ للوداعه
يوم الوداع ابسألك ويش سويت؟=تعال واسمع قلب هذا انطباعه
نظرة وداع ادمت جروحي وناديت=حرام مثلك مانوينا وداعه
لك الغلا لورحت والا بعد جيت=تبقالك الاشواق في كل ساعه
انشهد اني من غرامك تقهويت=شربت فنجالك وكلي قناعه
ادري وداعك فتت القلب تفتيت=وصحيح انا ماعاد عندي مناعه
وحتى ولو في نار بعدك تكويت=ولو كان صوتك يطرب اذني سماعه
اقنعت نفسي عنك يومنك أقفيت=يلي حسبت ان المشاعر بضاعه
والله لو باقي حياتي تشقيت =ولوقلت لك ماعاد عندي مناعه
ابقى على العزه مثل ماتربيت=وعقلي يقديني ونفسي شجاعه
أنت الخطا ماأقول في صدك أخطيت=ماعاد ينفع لوطلبت الشفاعه
الحي حي ولا يقارن به الميت=حمله يشيله لوبدون استطاعه