قلنا ســــــلام الله ياراعي الرعيـــــة=
وين الطـــريق اللي تـــــودي للبــــلد
معـــنا غشيم ما عرف قيمة خويه=
ضيــــعه بقفار ما فيها احــــــد

ياهلا ويامرحبا بالنـــرجسيه=
اقلطي فدار دارك والولــــــد
ذيك خيمتنا ولا انتي بالخليه=
ولك امان الله في يوم الاحد

مالنا مجلاس يارجل الـــــــحميه=
مثلنا لا غاب لحظه يفتــــــــــقد
غير ذا الهندي عساه اليوم حيه=
لا عرف درب ولا هو اللي نشد

إن جلستوا مرحبا ضيوف عليه=
وإن تعذرتوا معك طير السعد
ما يجوز الغصب لك ونتي بنيه=
لا كن العوده لازم من وعد

إن عطاني الله عمر ولي بقيه=
لازم ارجع مع اهلي لك يوم غد
وإن تفارقنا تذكرك المطيـــه=
وجعل يخلفنا علي ديارك رعد

ليتني هندي معك يالغشمريه=
وإن ذا الهندي في المفلا قعد
ليتــــــــني وياك نرعي الرعيه=
او ليت قلبي خبل ولا رحتي هجد

الله يخليك ماني ببـــــــدويــه=
مانقصني ياولد هــــم ونـــكد
دلنا علي الخط دام الشمس حيه=
لا دنانا الليل ذا الهندي رقد

ذاك دربك من ورا ذيك الحويه=
واستري وجــهك ولا تبديه ابد
وان بغيتي تحطبي مالك لويه=
اجعلي بيدك حبل من مسد