سلام الله على حب الوطن لو طالت ازمانه=وأنا حب الوطن عندي حقيقة مابها مزوحي

وسلام الله على جهينة بعطر الورد وألوانه=قبيله باسمها خلًت وسام العز ممنوحي

وسلام الله على صرح جمعنا داخل أحضانه=وكلاً يفهم الثاني من الإحساس والبوحي

وصرنا أصحاب تجمعنا محبة زيد لخوانه=نعبر عن مشاعرنا بكل إحساس مسموحي

وأنا شاعر وتعجبني بحور الشعر وأوزانه=واصيغ القاف بحروفاً تسجل ما خفت روحي

تعبر عن شعور القلب مهما كان عنوانه=ومن عنوان مكتوبه قريت السطر بوضوحي

كتبت الحرف لعيونه وقريت الحرف من شانه=رسمت الشوق في صوره عشقها كل مجروحي

واذا للحب معزوفه مثل معزوفة الحانه=على الله ما يغنيها حمام الورق والنوحي

وانا من داخل المعنى وهم الشوق واحزانه=ابهدي له سحابة ود ، يمـــه برقها يلوحي

عسى من عذب ماطرها تبل عروق عطشانه=تغسل اهموم مسكنها مشاعر كلها جروحي

رعـــــاك الله يا وقتاً جمع خــــلاً بخلانه=ولو دام اللقاء والحب، مابه عاشق ينوحي