|
أول ثلاث الغاز لي...تقدرون تحلونها؟ السلام عليكم ورحمة الله وبركاته صباحكم // مساكم الله بالخير جايك يامنتدى الالغاز اليوم وجايب معي ثلاث الغاز دفعة وحدة... ومنسقها تنسيق حلو وكلها بابيات واللغز الاول في بيت واحد واللغز الثاني في بيتين واللغز الثالث في ثلاث ابيات يعني جايبها لكم خالصة وحلوة وعلى ماتتمنون وتبون ماتبوني اطول انا عارف... طيب نخش يمين بالالغاز على طول اللغز الاول: color=FF0000]وش هو شــيء يومـــــــي لك<<<<×>>>>يعلمك بالغيب وهو مايحكي لك [/color] اللغز الثاني: انا تعجبت من زرع خضر ماهو بالقاع<<<<×>>>>لاهو بيحصد ولا يثمر ولا تمحى رسومه في صــفح صاف زارعه ماهوب بياع<<<<×>>>>الا على طالب الجملة يبيعه من يسومه اللغز الثالث: انا أبنشدك ياغـالي<<<<×>>>>من شيء منه تهتالي قصير المقدم الاول<<<<×>>>>طويل المؤخر التالي نهاره راقـــده كلـه<<<<×>>>>وليله مرقــده خالي شدوا حيلكم وسمعونا الحلول منتظر ردودكم |
مشاركة: أول ثلاث الغاز لي...تقدرون تحلونها؟ وعليكم السلام ورحمة الله وبركاته الله يسعد صباحك .. ومساك بكل خير يـ هلابك أخي جهينه تاج راسي يالله تحييك والحزة المباركة اللي بنشوفك فيها هنا وبجميع اروقة المنتدى ارحب فيك مرةً أخرى ... وأشكرك على مشاركتك اللغز الأول : ابترك فرصة لغيري واللغز الثاني ابحله واللي يقول : انا تعجبت من زرع خضر ماهو بالقاع<<×>>لاهو بيحصد ولا يثمر ولا تمحى رسومه في صــفح صاف زارعه ماهوب بياع<<×>>الا على طالب الجملة يبيعه من يسومه هذا اعتقد أنه الوشم اللي يوضع على اليدين وعلى الخدين عند النساء أما اللغز الثالث اللي يقول : انا أبنشدك ياغـالي<<<<×>>>>من شيء منه تهتالي قصير المقدم الاول<<<<×>>>>طويل المؤخر التالي نهاره راقـــده كلـه<<<<×>>>>وليله مرقــده خالي هذا طال عمرك اللي يعمل حركات على النور بالليل (( الجربوع )) أبورامي مع التحيه |
مشاركة: أول ثلاث الغاز لي...تقدرون تحلونها؟ يعطيك العافيه ابو رامي صحيح صحيح لكن عليك باللغز الاول |
مشاركة: أول ثلاث الغاز لي...تقدرون تحلونها؟ صح لسانك يالغالي خلني احاول معك باللغز الاول يمكن يكون امبير الحرارة ،، |
مشاركة: أول ثلاث الغاز لي...تقدرون تحلونها؟ ح لسانك ممكن اللي يومي ويعلمك ذيل المعشر تحيتي لك |
مشاركة: أول ثلاث الغاز لي...تقدرون تحلونها؟ هلا والله بالفياض شاكر مرورك اخوي الكريم مالك لوا ياالفياض |
مشاركة: أول ثلاث الغاز لي...تقدرون تحلونها؟ حياك الله اخوي مستور وضح زيادة يا اخوي مستور |
مشاركة: أول ثلاث الغاز لي...تقدرون تحلونها؟
يقضد فديتك ذيل الناقة ،، يوم تمر من عند الفحل ،، وهي معشر ،، يصير ذيلها يومي |
مشاركة: أول ثلاث الغاز لي...تقدرون تحلونها؟ اخوي الفياض الاوله لمستور هو رمع الحل صحيح انها الناقه لكن ماهي معشر المعشر المعروف عنها انها اللي حوارها تعدى سنه من عمره لكن الحل هي اللقحة يوم تومي بذنبها ويعرف راعيها انها لقحه ويعرف البعير ايضا انها لقحه فما يجيها ولا يضربها يعطيك العافيه اخوي الفياض ويعطيكم العافيه جميع تحياتي |
مشاركة: أول ثلاث الغاز لي...تقدرون تحلونها؟ الله يعطيكم العافية تم نقل اللغز لقسم المحلول |
| جميع الأوقات بتوقيت السعودية. الساعة الآن " 02:27 ص. |
Powered by: vBulletin Version 3.0.7
Copyright ©2000 - 2008, Jelsoft Enterprises Ltd.
