|
قصيده تبكي من لايبكي توفت امــه وكــتب قصــيده تبكــي من لا يــبكي لم تكن ردت فعلي على ماقرأت الا دموعي فأحببت أن اكتب لكم ما قراته لكم ذلك اقرءوا معي ما كتبه هذا الشاب الذي كان في يوم من الايام شاب متهور وفي اثناءتهوره تعرض إلى حادث مرور مروع وكان معه أمه فتوفيت وبقي هو علي قيد الحياه وكتب القصيده هذي: يواسيني وانا الميت وحالي يجبر الدمعات تسيل من الذي فيني ويبكي وهو يواسيني وانا ابكي واتنهد وارسم بالحزن لوحات يجبروني عشان امشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وانا ابكيها وتبكيني وكنه حلم قدامي يقيدني من الصرخات ابي اصحى ولكني عجزت القى ال يصحيني فداك القلب يايمه ومهما قلت من كلمات صغيره في كبر حقك بس اتمنى تعذريني نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم اكبر وهم اصحاب هالمأساة وانا اتحدى اذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي اباكيه ويباكيني عطيتيني بدون حساب ولا سمعتك تقولي هات وانا اشرب حيل من دمك ودمك ما يكفيني يايمه ارجعي كافي ابجلس معك لو لحظات واقبل ايدك ورجلك وافرش لك رمش عيني يايمه ما تحملهم يقولوا فات ما قد مات تعالي غيري هالقول واطيعك باقي سنيني واترك عادة التدخين وانفذ ما تبي بسكات واصلي الفجر في المسجد قبل منتي تصحيني يايمه ارجعي تكفين وطفي شمعة الآهات ابيك انتي ولا غيرك على موتك تعزيني وضميني وداويني مثل ما كانت الهقوات ما ابي احدن يواسيني ابيك انتي تواسيني دخيلك بس لا تبكي اذا شفتي بي الدمعات أسال الله أن يغفر لها ولجميع موتى المسلمين تحـيـآتـي 000000000000 |
مشاركة: قصيده تبكي من لايبكي اللهم ار حم امو ات المسلمين والله انها قصيده وقصه محز نه لا هنت |
مشاركة: قصيده تبكي من لايبكي قصيده تنبض بالحزن :: رحم الله اموات المسلمين :: تحمل التذكير للأبناء العاقيين ,, يعطيك العافيه اختي تحيتي ،/ مـ غ ـرورهـ جهينه |
مشاركة: قصيده تبكي من لايبكي قصيده فعلا تبكي قلب مايعرف الرحمه يعطيك العافيه انين ابكيتيني واقولها صراحة تحياتي |
مشاركة: قصيده تبكي من لايبكي مشكوره اخوي والله يرحم الاموات المسلمين ويدخلهم فسيح الجنات يا رب امين |
| جميع الأوقات بتوقيت السعودية. الساعة الآن " 12:06 ص. |
Powered by: vBulletin Version 3.0.7
Copyright ©2000 - 2008, Jelsoft Enterprises Ltd.