اصيغ القاف من فكر(ن) يعسف وطوع القيفان=يلامنـي دعيـت اجزالهـا جتنـي بساعتهـا
بيوت الشعرلي مهره مطيعه ماحكمها اعنـان=تحير سايس الصعبات لامن شـاف حجلتهـا
شربت من البحور السبع شربة هالك وضميان=ولاهتميت في طعمه ولاادري عـن ملوحتهـا
ابصخر بيت شعر(ن) من صداه يفكك الصمان=وبتعمـق معانيهـا اليـن اصـل عماقتـهـا
ابكتب بالوطن شعري لكن حسيـت بنقصـان=انا وشلون بوصف فاتنـه تطغـى غلاوتهـا
عجزة اوصف غلاها ماقدرت اوفي الشجعـان=ديـار العـز عزتنـا وعزتـنـا حكومتـهـا
سلمتي ديرتي من كل حاقد طاوع الشيطـان=ودمتي عامره برجال نفخـر فـي سياستهـا
اباجاري بيوت الشعر من نظمي بكـل الحـان=ابنعم مع نواعمهـا وبقسـى مـع قساوتهـا
ابكتب بالنصايح والرثاء والحـب والحرمـان=على كل المواقف والـوزون وفـي علامتهـا
هجوسي لجلك يروض ابيوت الشعربستحسان=ويشرحلك جـروح النفـس ملتهـا وعافتهـا
على شانك تحمل هم من طيشه وصل بهتـان=وسافر بالخيـال اليـن عانـق فيـه هامتهـا
يشيل الجرح مايشكي غلاك وصاربك هيمـان=بعد حـط الحـروف الابجديـه فـي مكانتهـا
بداية حب عذري كانت انهاية احساس انسان=بعد ما بلـور الفكـره تحطم فـي نهايتهـا

سلمتي ديرتي من كل حاقد طـاوع الشيطـان=ودمتي عامره برجـال نفخـر فـي سياستهـا