منتدى شبكة جهينه نت - !!!! (صقر الحــــــــــــزين)!!!

منتدى شبكة جهينه نت (http://www.johina.net/vb/index.php)

- منتدى الاشعار المنقولة (http://www.johina.net/vb/f77.html)

- - !!!! (صقر الحــــــــــــزين)!!! (http://www.johina.net/vb/t25006.html)

!!!! (صقر الحــــــــــــزين)!!!

الله مـن قلـبٍ بـه الهـم يزتـاد
همّه مع الايام مـن زود فـي زود
هموم قلبـي بيـن صـادر و ورّاد
والقلب لهموم الشقـا عـدّ مـارود
الليـل كلـه مـا اتهنّـا بمـرقـاد
يوم العرب فالليل هجّـاع و رقـود
والنفس صايمةٍ عن الشرب والـزاد
مالي هوى بالزاد لو كان موجـود
انا هواي شـوف مركـوز الانهـاد
اللي مضاله وقت غايب و مفقـود
القلب دايم في نحى الزيـن ينقـاد
سبحان من كمل حلا ناعـم العـود
بعض الصدف خيرٍ من الفين ميعاد
صادفتها فالسوق من غير موعـود
يوم الخميس وخامس ايام الاعيـاد
ما انسى هذاك اليوم والرب معبـود
اوصافهـا يـا زينهـا بالتّـعـدّاد
مالي بغيره في هوى البيض مقصود
الخدّ نوره فـوق نـور القمـر زاد
يشدي لبـراقٍ سـرى نـوّه يقـود
وحجاجها بالوصف مبري ومنقـاد
وأهدابها نعّـاس وعيونهـا سـود
وفالمبسم الله جامعٍ بيـن الاضـداد
والخشم سلّة سيف مرهف ومحدود
والطيب والريحان والـورد والكـاد
فوق الجديل اللي على المتن مرجود
ابيات شعري فيه تقصر عن المـاد
حتى و لو ابذل معه كـل مجهـود
اخذت انا وايّـاه جلسـه ومقعـاد
على النقا وبعيد عـن كـل منقـود
جلسة شرف على قوانيـن الاجـداد
النا مع الشيمه مواثيـق وعهـود
واقفى ورجوانـي بجيّـه ومعـواد
وهذي ثلاث سنين ما اظنـه يعـود
يا عزّتي لن طوّل الوقت مـا عـاد
وقلبي تلاوعه الهواجيس يا سعـود
صبرت لين الصبر طـوّل ولا فـاد
صبرت صبرٍ ماله قياس و حـدود
الصقر اللي ما شكى هجر و ابعـاد
يقضي حياته كلها سهـود ومهـود
وغير الهموم الحب فعلـه فالاكبـاد
ايداوي كبودٍ ويجـرح لـه كبـود

تحيات

صقر تبوك