وردتنـي درب المهالـك بجوعـك
واهفيتـي وانـا اتلـذذ بجـوعـي
اخايـل بروقـك واطـرد تبوعـك
وانته تحاسبني علـى كـل بوعـي
جنيت شوكك من عوالـي فروعـك
وخذيت من عيني بقايـا هجوعـي
حسبي على ا للي غيرك في طبوعك
ذليتني ثم جيـت ماهـو بطوعـي
وصرت آتدرى ضيقتك مع جزوعك
وانا احتمل من الخطا والوجوعـي
انت الذي مخلوق مااكبر هزوعـك
وانا الذي مارضى عليك الهزوعـي
تعطيني الجمـره واقبـل دروعـك
وانا من اول منزلك فـي ضلوعـي
فتحـت قلبـي ثـم تهنـاْ رتوعـك
وخليت لك في جوف قلبي رتوعـي
ازريت وانا ابلع طرايف وجوعـك
ولاجل الهواء حبيت انا راس كوعي
واليوم لاتضحك ترانـي بروعـك
برد لـك دينـك واسـدد وجوعـي
حطيت لك برج يحالـي طبوعـك
الهجر واللوعـه ودمـع يروعـي
اعيش انا دايم ترى تحـت طوعـك
واليوم نذر الا تجي تحت طوعـي
احرق ورودك لين تقفـي جموعـك
واسقيك من مر الشرى كل نوعـي
اليـن يفطـر ماحونـه ضلوعـك
ولا تحسب اني مرخص في دموعي
خلك على ماتشتهي مـن فزوعـك
بعطيك انا من ربع باقـي فزوعـي
تبغى الوصل بقول لك حب كوعـك
بدلت غيمك في سحايـب طبوعـي
وان كان عينك تحتوي في دموعـك
وف الدمـوع ولا تجينـي تبوعـي